Free writting

وَإِنّي لَحُلوٌ تَعتَريني مَرارَةٌ

وَإِنّي لَتَرّاكٌ لِما لَم أُعَوَّدِ!

•| 

--------------------------------------------------------------------------------------------------------------------

I Fell So Proud Of How I Overstepped Of Some Days , I Accept Myself Well With Its Mistakes , I .Love It As It Is Now And I'm Really Proud Of Myself 

--------------------------------------------------------------------------------------------------------------------

 

"الكل شريف حتي تأتي العاهرة"

-اول مرة قريت المقولة دي ماكنتش فاهمها اوي وشوفت التشبيه صعب بس بعد خبرة لابأس بها م الحياة قدرت افهم ان المقصود "انت شريف اذا لم تختبر مبادئك أمام شهواتك" ماكنش هيتعبر عنه بصورة احسن من دي!

انت مخلص ف الحب مادام هي مش ف ايدك ولا ضامنها

انت اخ جدع مادام لسه ماتجوزتش

انتِ صاحبة جدعة مادام لسه سينجل

انت صاحب جدع مادام ماعرفتش ناس جديدة

انت مُضحي مادام بره رغباتك وشهواتك

انت بار لاهلك مادام علي هواك

انت متواضع مادام لم يأتِ الاقل منك

انت خَلوق مادام بره حدود اوضتك

-كلنا بنبقي فاكرين اننا احسن من غيرنا وبنقعد ننتقد اللي بيحصل قدامناونعيب علي غيرنا لأننا في الغالب لسه متحطناش في نفس الموقف بنفس الدرجة

"ما لم تفعله وامتنعت عنه هو لفضل الله عليك لا لقوة منك".

"اغفروا الأخطاء وتغاضوا عن الذلات، زودوا الوصال وقت الضعف علشان تبقوا القوة وقت الحاجة للناس اللي بتحبوهم".

-اتعلموا ازاي تبقوا سند امتي تعاتبوا وامتي تحتووا بس

ماينفعش حد جايلك مخصوص تعد تقطم فيه هو متنيل عارف انه غلطان ومهبب الدنيا جاي لحد يحسسه انه ماخرمش الاوزون يعني!

-وللناس ال ماشية تقول انا مستحيل اعمل زي فلان وماشية تتنطط انا عندي مبادئ وبتنجان

جيلكم م المستقبل وبقولكم هتعملوها وهيبقي شكلكم وحييييييييشششششش

اصل عمر م حد اتريق ع حد الا وعملها بعدين ،، مش هتجيبوا الديب من ديله يعني!

- بحب جدًا مقولة الحسن البصري عن الموضوع ده

"أدركت أقواماً لم تكن لهم عيوب فتكلموا في عيوب الناس فأحدث اللّه لهم عيوبا ،، وأدركت أقواماً كانت لهم عيوب فسكتوا عن عيوب الناس فستر اللّه عيوبهم"

للأسف تؤكد لنا الحياة والمواقف يومياً أن الإنسان هو أخطر مخلوق علي وجه الارض ، فاللهم أكفنا شر خلقك

 

--------------------------------------------------------------------------------------------------------------------

 

رسالة مُنتحر:

" لو بتقرأ الرسالة دي دلوقتي يبقى أنت في بيتي..

_ أنا عيشت طول عمري لوحدي ولا ليا قريب ولا غريب ولا كان عندي أحباب ولا حتى أصحاب مع إني كان نفسي إني يبقى عندي حاجة واحدة منهم كان نفسي يبقى عندي بيت كبير لامم فيه عيالي و كان نفسي يبقالي جيران ، لو عندك أي حاجة من دول يبقى انت في نعمة حتى لو حياتك متبهدلة

حتى و إن كنت عايش بالزق بس في حياتك حاجة أو سبب عايشله ، أنا ملقيتش اي سبب ولا حد اعيشله و يعيشلي

كنت بخاف انزل من بيتنا لوحدي مش عشان حاجة لأ عشان مكنش معايا اي حد انزله وينزل معايا ولا نخرج كل اللي كان في حياتي كان حبة ورق واقلام كتير لو بصيت حواليك دلوقتي هتلاقيهم مكركبين الأرض..

عايز اقولك نصيحة:

" كل اللي حبيته في حياتك مش هتوصله ، و كل عشمك خلي بيك ، انت بتقنع نفسك إنك بتوصل ، بس الدنيا مش عادلة مش هتكملك فرحتك ف متتعلقش يابني.."

لو بتقرأ الرسالة هقولك سر:

" أنا _ مــيّــت _ قــلــة _ نــوم "

"ف نام كويس ولو مش هتنام ف انا مستنيك.."

محمد حسين

--------------------------------------------------------------------------------------------------------------------

 

خلصت امتحان Thermo قرفان و روحت نمت مكملتش نوم ساعتين و صحيت مخضوض بسبب اني حلمت ان الدكتور كان بيجري ورايا .

--------------------------------------------------------------------------------------------------------------------

 

الواحد بيمتحن من أيام اللهم بلغنا رمضان و لسه بيمتحن و الناس بتقول لبيك اللهم لبيك .

 

--------------------------------------------------------------------------------------------------------------------

 

 

إذا المرءُ أعيَتْهُ المروءةُ ناشئًا

فمطلبُها كهلاً عليه شديدُ"

--------------------------------------------------------------------------------------------------------------------